Ойрын єдрvvдэд халуун, бvгчим байна. Vvнтэй холбоотойгоор 103-т ирэх дуудлага багагvй байдаг. Энэ талаар яаралтай тvргэн тусламжийн ээлжийн ахлагч Г.Нармандахаас тодрууллаа.
-Ихэнхдээ ямар чиглэлийн дуудлага ирж байна. Хvмvvс нарших нь хэр байна?
-Бєєлжих, гvйлгэх зэрэг наршилтын шинж тэмдэгтэй дуудлага харьцангуй бага байна. Харин зvрх євдєх, даралт ихсэх, халуурах гэсэн дуудлага нэлээд ирж байгаа.
-Єдєрт хэдэн дуудлагатай байна вэ. Насны хувьд ямар байна?
-Єчигдрийн байдлаар єглєєний 8.30-17 цаг хvртэлх хугацаанд 100-аад дуудлагатай байлаа. Ерєнхийдєє сvvлийн vед зvрх судасны
євчлєл болон даралт ихсэх нь залуужих хандлага ажиглагдсан. Ойролцоогоор 35-45 насныхан энэ чиглэлээр дуудлага єгєх нь их байна.
Манайд хоногт 360-380 дуудлага ирдэг. Гэхдээ єдєрт болон хоногт ирэх дуудлага хэлбэлзэлтэй байдаг. Энэ сарын 22-нд нийтдээ 363 дуудлага ирснээс осол гэмтлийн 28, тєрєлтийн 47-н дуудлага ирсэн. Манайх хvvхдийн дуудлага авдаггvй. Зєвхєн 16-аас дээш насныхны дуудлага хvлээн авдаг.
