Та зөвхөн шувууд л модон дээр амьдрах ёстой гэж бодож байна уу? Тэгвэл хүмүүс бидний амардаг, амьдардаг гэр мөн тэнд байвал ямар вэ?
Анх энэ тухай хүмүүс сонсоод бүгд л бүтэхгүй зүйл гэцгээж байжээ. Шведэд энэ байшин баригдаж буй талаар мэдээллэхэд 899 хүн энийг компьютерээр зохиосон дүрслэл, баригдах боломжгүй зүйл эсвэл шувуудын үхэл гэх мэтээр нэрлэж үгүйсгэж байсан юм.
Гэсэн ч архитекторууд үүнийг барьж чадлаа. Шведийн Arctic Circle-с 40 милийн зайд орших ойд 6 хэсгээс бүрдэх энэхүү “Treehotel” буюу Модон дээрх зочид буудал сүндэрлэжээ.
4м квадрат хэмжээтэй шилээр бүрхэгдсэн энэхүү шидэт барилга нь гайхамшиг л гэлтэй харагдана. Treehotel-г эзэмшигч Kent Lindyall энэ бүтээлийн талаар “Бүх зүйл үүнд ойж харагддаг. Модод, шувууд, үүл, нар гээд л... бүх зүйл. Тиймээс үүнийг бараг л үл үзэгдэгч гэж нэрлэж болно доо” хэмээн хэлжээ.
