LeBron, Wade, Bosh гэсэн оддыг багтаасан баг ямар ч сайн багт асуудал үүсгэх нь гарцаагүй. Тэгвэл Rondo тэднээс айхгүй байгаа гэнэ шүү. Яагаад юм бол?
Dwyane Wade, LeBron James, Chris Bosh нарын оддыг хамтад нь багтаа тоглуулахаар болсон Miami Heat-г NBA сонирхогчид шууд л аваргын зиндааны баг хэмээн ярьж эхлээд байгаа. Тэгвэл Boston Celtics багийн залуу холбон тоглогч Rajon Rondo-д Heat тийм ч хүчтэй, санааг нь зовоохоор өрсөлдөгч шиг санагдахгүй байгаа гэнэ.
Тэрээр саяхан Америкийн шигшээтэй хамт бэлтгэл хийснийхээ дараа "Тэднийг сайн гэдэгт эргэлзэхгүй байна. Гэхдээ л тэд одоогоор ямар ч амжилт гаргаагүй л байгаа шүү дээ" гэж хэлсэн байна.
Rajon Rondo-н хувьд тэрээр NBA-н Final-д 2 удаа хүч үзэж 1 удаа аварга болоод байгаа. Тэгвэл тэдний эсрэг босон ирсэн өрсөлдөгч баг болох хүчирхэг Miami Heat-с аварга авсан ганц од нь Dwyane Wade. Celtics-н тоглогчид мөн мэдээж Rondo өөрөө бэртэл гэмтэлгүй л байвал Heat тэдний хувьд асуудал болж чадахгүй гэж тэрээр хэлжээ.
"Ямар асуудал байгаа гэж? Би бол Lakers-с л эмээж байна. LA-н баг л бидний ялах ёстой ганц баг. Miami цаасан дээрээс бол хүчтэй л харагдаж байна, талбай дээр ч үнэхээр сайн байна гэдэгт нь би итгэлтэй байна. Гэхдээ л тэд 1 баг шиг байх ёстой. Тэднийг тийм байж чадахгүй гэж хэлэхгүй л дээ, гэхдээ л тэдгээр залуусыг хамтрагчид байж чадна гэж хэн хэлээд байгаа юм бэ?"
"Бидний хамгийн том өрсөлдөгч бол бид өөрсдөө. Надад лав харагдаж асуудал энэ л байна. Бид Conference-нхээ аваргыг хамгаалж байгаа баг. Шинэ улирлын эхний тоглолтоос эхлээд л энэ хамаарахгүй л дээ. Гэхдээ л бид бэлтгэлээ сайн хийж улам сайжран Final-д хүрэх болно, аварга ч болно.
Rondo 21 насандаа буюу NBA-д орсон 2 дахь жилдээ л "Их Гурвал"-н холбон тоглогчоор сонгогдож улиралд 66 ялалт байгуулан улмаар аварга болж байлаа. Heat-н хувьд Celtics шиг хурдан аварга болох боломж багатай.
"Аварга болж чадах үгүй нь тэднээс шалтгаална. Ялангуяа од 3 залуу нь өөрсдийн үүргээ хэрхэн ухамсарлахаас бүх зүйл шийдэгдэнэ" гэж Rondo санууллаа.
