Улаанбаатарт амьдарч байгаа иргэдийн дийлэнхийнх нь шүдний өвчин болоод байгаа асуудал бол харшил. Энэ талаар...
Улаанбаатар хотод энэ зун уг нь сайхан л өнгөрлөө. Хур бороотой, хурц нартай. Өвс нь ногоороод л, шарлаад л. Энэ хавар нэг баахан "ногоон" гэсэн уриатай юм ярьж, ярьж хэдэн мод тариад, суулгаад, үрслүүлээд авсан нь буруу байсны гай одоо гарч байна. Баахан эр мод нэг дор суулгаадахсан чинь баларч одоо халуун зунаар хамар амандаа маск зүүж явах нь холгүй байдалд оруулаад байна. Дүн өвлийн хүйтнээр цасан дунд алхаж яваа юм шиг хотын маань гудамж талбай цав цагаан. Хаашаа л харна цас хаялаж байна уу гэлтэй модны үрээр бороо орно. Өнөөдөр улаанбаатарт амьдарч байгаа нийт хүн амын 30 гаруй хувь нь харшилтай, тэр дундаа 60 орчим хувь нь ургамлын харшилтай гэсэн баримт байна.
Нэг л их мод тария, зүлэгжүүлэе гэж санаачлага гарган энд тэндгүй услаж, ухаж гүйх мөртлөө өнөөхийгөө жаахан өндийгөөд ирэхээр нь хаячихдаг. Тэрэнд санаа тавьж, тэр хавийнх нь шарилж энэ тэрийг зулгаадаг хүн ер нь байна уу? Таминь ээ??
Харшилыг 21-р зууны тахал гэж нэрлэдэг. Үндсэндээ бол хор уршигаараа ДОХ, хорт хавдар мэтийн л дараа орно. Барал эдгэдэггүй гэж хэлэгддэг өвчин шүү дээ, хүмүүсээ. За тэгээд тариа тариулна, эм ууна. Нөгөөхдөө мансуураад л халуун зунаар гадаа ч гарч чадахгүй унтацгаагаад байна гэсэн үг л дээ.
За дээрээс нь нэг юм байна аа. Өвөл дуусаад өнөө муу утаа нь жаахан гайгүй болов уу гэж байтал л барилгын ажил, замын ажил, байрны голоорх усны хоолойн ажил гээд л... Нэг л их тоос шороо болно. Тэнд зам хаасан гэнэ, энд барилгын ажилтай, халуун усыг чинь хаасан шүү гэхчилэн ерөөсөө энэ хотод нэг эрүүл амьдрах боломж байна уу?
Ер нь манайх шиг зун болгон замаа янзалж, усаа хаадаг улс орон байдаг болов уу? Би л мэдэхгүй юм байна.
